Angliyaning "Vulverxempton" klubi o‘zining rasmiy saytida ispaniyalik Xulen Lopetegini jamoaga yangi bosh murabbiy etib tayinlangani haqida xabar berdi.
56 yoshli mutaxassis “Portu”, “Real”, “Sevilya” va Ispaniya terma jamoasida ishlagan.
“Xulen elita darajasidagi tajribaga ega top murabbiy va biz uni “Vulverxempton”ga o‘tkazishga rozi bo‘lganimizdan juda mamnunmiz. Xulen boshidanoq bizning birinchi raqamli tanlovimiz edi va biz uni murabbiylar shtabi kelgusi haftalarda bizga qo‘shilganda kutib olishni intiqlik bilan kutamiz." - deyiladi "bo‘rilar" rasmiy saytida.
Avvalgi bosh murabbiy Bruno Laje oktyabr oyi boshida ishdan bo‘shatildi. "Vulverxempton" Angliya Premyer-ligasining 13-turidan so‘ng turnir jadvalida 19-o‘rinni egallab turibdi.
