Англиянинг "Вулверхэмптон" клуби ўзининг расмий сайтида испаниялик Хулен Лопетегини жамоага янги бош мураббий этиб тайинлангани ҳақида хабар берди.

56 ёшли мутахассис “Порту”, “Реал”, “Севилья” ва Испания терма жамоасида ишлаган.

“Хулен элита даражасидаги тажрибага эга топ мураббий ва биз уни “Вулверхэмптон”га ўтказишга рози бўлганимиздан жуда мамнунмиз. Хулен бошиданоқ бизнинг биринчи рақамли танловимиз эди ва биз уни мураббийлар штаби келгуси ҳафталарда бизга қўшилганда кутиб олишни интиқлик билан кутамиз." - дейилади "бўрилар" расмий сайтида.

Аввалги бош мураббий Бруно Лаже октябрь ойи бошида ишдан бўшатилди. "Вулверхэмптон" Англия Премьер-лигасининг 13-туридан сўнг турнир жадвалида 19-ўринни эгаллаб турибди.