"Barselona" va Ispaniya terma jamoasi yarim himoyachisi Pedri 2022 yilda Qatarda bo‘lib o‘tadigan Jahon chempionatida chempionlik uchun kurashadigan jamoalar haqida gapirdi.
"Ispaniyadan tashqari, Argentina ham Lionel Messi bilan favorit bo‘ladi, u hali ham eng yaxshisi. U o‘zining so‘nggi Jahon chempionatiga bormoqchi va turnirda g‘alaba qozonish uchun hamma narsani qiladi. Favoritlar qatorida Fransiya va Braziliya jamoalarini ham nomlagan bo‘lardim. Bu ikki yaxshi rivojlangan jamoalar, ehtimol, saviya jihatidan qolganlardan biroz yuqoriroqdir. Men Niderlandiyani ham ro‘yxatdan chiqarmayman. Frenki de Yong menga ularda juda kuchli jamoa borligini va ular shov-shuv ko‘tarishlarini aytadi. Men unga bizni unutmaslikni aytdim", - dedi Pedri El País bilan suhbatda.
