Superliganing 25-turidan o‘rin olgan AGMK - "Olimpik" (6:0) jamoalari o‘rtasidagi o‘yindan keyin olmaliqliklar ustozi Mirjalol Qosimov o‘yin haqidagi fikrlari bilan o‘rtoqlashdi.
"Qiziqarli va chiroyli futbol guvohiga aylandik. Jamoamiz uchun bugungi o‘yin OCHLga yo‘llanma beruvchi bahs bo‘lgani tufayli ham muhim edi va futbolchilar ushbu o‘yindagi vazifani a’lo darajada uddalashdi. AGMK tarixda uchinchi marotaba xalqaro musobaqada o‘ynash huquqini qo‘lga kiritdi. Jamoamiz bugungi bahsga ishlangan rejani yaxshi bajarishdi. Buning uchun futbolchilarimga rahmat aytaman. Chiroyli o‘yinda ajoyib g‘alabaga erishdik. Noqulay ob-havoga qaramasdan bizni qo‘llab-quvvatlash uchun kelgan muxlislarga rahmat aytaman va bugungi g‘alabani ularga bag‘ishlaymiz. Joriy mavsumdagi oxirgi uy uchrashuvimizni yuqori notada va a’lo kayfiyatda tugatdik. Endilikda bizni Namanganda mavsumni yakunlovchi o‘yin kutmoqda. Ushbu bahsda ham g‘alabaga intilib, maksimal natijaga erishishga harakat qilamiz" - dedi Qosimov.
