Superliga 25-turidan o‘rin olgan AGMK – “Olimpik” (6:0) uchrashuvidan so‘ng mehmonlar ustozi Timur Kapadze o‘z fikrlarini bildirib o‘tdi.
“Futbolda yaxshi o‘ynab ham yutqazish mumkin. Umuman har ikki jamoa ham yaxshi o‘ynadi. Bizda ham vaziyatlar bo‘ldi, foydalana olmadik. AGMK tajriba evaziga o‘z vaziyatlarini golga aylantirdi va bizni mag‘lub etdi”, – dedi Kapadze.
Keyingi turda “Nasaf” bilan o‘ynaymiz. Ular o‘z oldilaridagi vazifani bajarish uchun harakat qilishadi. Biz ham o‘z vazifamizni bajarish uchun o‘ynaymiz va har bir o‘yinda maksimal natija uchun harakat qilamiz. O‘z maydonimizda o‘ynaymiz, bu ham bizga qo‘shimcha ustunlik beradi.
Chempionlik? Eng haqli jamoa chempion bo‘ladi. Fikrimcha, “Nasaf” boshqalardan ko‘ra haqliroq edi”.
