Erik-Maksim Chupo-Moting Chempionlar ligasining 1/8 final bosqichiga qur’a tashlash natijalari haqida fikr bildirdi.
Bu bosqichda "Bavariya" "PSJ" bilan to‘qnash keladi.
"Agar siz Chempionlar ligasida g‘alaba qozonishni istasangiz, kimga qarshi o‘ynashingiz muhim emas. Albatta, bunday kuchli raqib uchun hali erta, juda qiyin o‘yin bo‘ladi. Biz buni bilamiz, biz ularni bilamiz, ularda juda yaxshi jamoa va individual futbolchilar bor.
Kichkina xatoga yo‘l qo‘ysangiz, ular o‘zlarining shaxsiy fazilatlari tufayli sizni darhol jazolaydilar. Bunday jamoani mag‘lub etish uchun top jamoa o‘yinini ko‘rsatishimiz kerak", - dedi "Bavariya" hujumchisi klub kanaliga.
