Madridning “Real” klubi “Napoli” hujumchisi Viktor Osimxenga qiziqish bildirmoqda, deya xabar beradi Calciomercato.

Manbaga ko‘ra, "qirollik" klubi 23 yoshli afrikalik hujumchini sotib olish uchun katta mablag‘ sarflashga tayyor. Transfermarkt ma’lumotlariga ko‘ra, Osimxenning hozirgi bozor qiymati 65 million yevroga baholanmoqda. Futbolchining neapolliklar bilan amaldagi shartnomasi 2025 yilning yoziga qadar tuzilgan.

Nigeriyalik hujumchi joriy mavsumda “Napoli” safida 13 ta o‘yinda maydonga tushib, barcha turnirlarda 9 ta gol urdi va 3 ta golli uzatmani amalga oshirdi.