Мадриднинг “Реал” клуби “Наполи” ҳужумчиси Виктор Осимхенга қизиқиш билдирмоқда, дея хабар беради Calciomercato.
Манбага кўра, "қироллик" клуби 23 ёшли африкалик ҳужумчини сотиб олиш учун катта маблағ сарфлашга тайёр. Transfermarkt маълумотларига кўра, Осимхеннинг ҳозирги бозор қиймати 65 миллион еврога баҳоланмоқда. Футболчининг неаполликлар билан амалдаги шартномаси 2025 йилнинг ёзига қадар тузилган.
Нигериялик ҳужумчи жорий мавсумда “Наполи” сафида 13 та ўйинда майдонга тушиб, барча турнирларда 9 та гол урди ва 3 та голли узатмани амалга оширди.
