«Ньюкасл» вингери Энтони Гордон «Барселона»га ўтишга яқин турибди. Бўлажак трансфер аллақачон нуфузли манбалар томонидан тасдиқланди — футболчи тиббий кўрикдан ўтиш учун Каталонияга йўл олмоқда.
Журналист Хосе Альварес «кўк-анорранглилар» спорт директори Декунинг ишини алоҳида қайд этди: «Бавария» ва «Ливерпуль» англиялик футболчига «ошиқ» эди, бироқ португалиялик функционер ёрдамида Каталония гранди рақобатчиларини ортда қолдирди ва келишувга тез фурсатда эришди.
Турли маълумотларга кўра, Гордоннинг трансфер суммаси 70 миллиондан 80 миллион еврогача бўлиши кутилмоқда. Transfermarkt экспертлари эса 25 ёшли футболчининг нархини бироз арзонроқ — 60 миллион евро деб баҳолашади.
