“Metallurg” hamda “Lokomotiv” jamoalari bugunga qadar kuchlilar safida o‘zaro 37  o‘yin o‘tkazgan. Ulardan 6 tasida “Metallurg”ning qo‘li baland kelgan. 12 ta uchrashuvda durang natija qayd etilgan. 19 o‘yinda esa temiryo‘lchilar zafar quchishgan. Kiritilgan va o‘tkazib yuborilgan to‘plar farqi – 35:61, toshkentliklar foydasiga.

Mazkur jamoalarning Toshkentda o‘tkazilgan uchrashuvlarida “Lokomotiv” katta ustunlikka ega. 18 ta uchrashuvning 11 tasida temiryo‘lchilar zafar quchishgan. 5 ta bahsda kuchlar teng kelgan. 2 ta o‘yinda “Metallurg” muvaffaqiyatga erishgan.

Toshkentda o‘tkazilgan so‘nggi 5 ta uchrashuvda qayd etilgan natijalar bilan tanishing:

11.05.2021  Lokomotiv – Metallurg – 1:3
15.06.2020  Lokomotiv – Metallurg – 0:3
15.09.2019  Lokomotiv – Metallurg – 1:1
30.10.2018  Lokomotiv – Metallurg – 1:0
09.03.2018  Lokomotiv – Metallurg – 1:1

“Lokomotiv” haqida
Temiryo‘lchilar mamlakatimizning eng kuchli va nomdor jamoalaridan biri sanaladi: uch marta mamlakat chempioni, uch marta O‘zbekiston kubogi sohibi va bir necha karra chempionat sovrindori bo‘lishgan. Bundan tashqari Superkubok bahslarida ham ikki marta muvaffaqiyatga erishgan.

Temiryo‘lchilar oliy liga bahslarida bugungacha 501 ta o‘yin o‘tkazib, shulardan 243 tasida g‘alaba qozonishgan. 106 o‘yinda durangga erishishgan bo‘lsa, 152 uchrashuvda imkoniyatni boy berishgan. “Lokomotiv” raqiblari darvozasini 791 marta ishg‘ol etgan holda, o‘z darvozalaridan 578 ta to‘p olib chiqishgan. Jamoaning milliy chempionatlarimizdagi eng yirik hisobdagi g‘alabasi – 7:0 (2015 – “So‘g‘diyona”, 2017 – “Obod”). Eng yirik mag‘lubiyati – 0:7 (2020 – “Paxtakor”).