"Arsenal" hujumchisi Gabriel Martinelli Qatarda bo‘lib o‘tadigan jahon chempionati uchun Braziliya terma jamoasiga chaqirilgani haqidagi tanqidlarga javob berdi.

“Menimcha, hammasi joyida. Braziliyadagi ba’zi odamlar meni tanimaydilar va boshqa o‘yinchilar ham jamoada bo‘lishga loyiq deb aytish mumkin. Men bu borada ancha xotirjamman.

Men o‘z klubimda nima qilayotganimni bilaman, qobiliyatimni bilaman. Braziliya uchun bor kuchimni ishga solishimga ishonchingiz komil bo‘lsin. Jamoaga hamma narsada yordam beraman. Bu men uchun ajoyib tajriba bo‘ladi", - deya braziliyalik futbolchining so‘zlarini keltiradi Mirror.

Martinelli 21 yoshda. U 2019 yildan beri "Arsenal"da o‘ynamoqda. Braziliyalik hujumchi joriy mavsumda London klubi safida Premyer-ligada 13 ta o‘yinda maydonga tushib, 5 ta gol urdi va 2 ta golli uzatmani amalga oshirdi.

Qatardagi jahon chempionati 20 noyabrdan 18 dekabrga qadar bo‘lib o‘tadi.