Iordaniyaning Amman shahrida bugun boks bo‘yicha Osiyo chempionatining ayollar o‘rtasidagi final janglari o‘tkazilmoqda. 75 kg. vazndagi vakilimiz Sohiba Ro‘zmetov oltin medal uchun hindistonlik Lovlina Borgoainga qarshi ringga ko‘tarildi.

Hakam birinchi va ikkinchi bo‘limlarda o‘zbek bokschisi nokdaun holatiga tushdi deya hisoblab, hisobni ochishga qaror qildi. Qo‘llari uzunroq bo‘lgan hind qizi esa g‘alabani qo‘ldan chiqarmadi — 0:5 (27:30, 27:30, 27:30, 27:30, 28:29).

Shu tariqa, O‘zbekiston ayollar terma jamoasi mazkur Osiyo chempionatini bir oltin, bir kumush va bir bronza medallari bilan yakunladi.