Иорданиянинг Амман шаҳрида бугун бокс бўйича Осиё чемпионатининг аёллар ўртасидаги финал жанглари ўтказилмоқда. 75 кг. вазндаги вакилимиз Соҳиба Рўзметов олтин медаль учун ҳиндистонлик Ловлина Боргоаинга қарши рингга кўтарилди.

Ҳакам биринчи ва иккинчи бўлимларда ўзбек боксчиси нокдаун ҳолатига тушди дея ҳисоблаб, ҳисобни очишга қарор қилди. Қўллари узунроқ бўлган ҳинд қизи эса ғалабани қўлдан чиқармади — 0:5 (27:30, 27:30, 27:30, 27:30, 28:29).

Шу тариқа, Ўзбекистон аёллар терма жамоаси мазкур Осиё чемпионатини бир олтин, бир кумуш ва бир бронза медаллари билан якунлади.