"Manchester Yunayted" hujumchi Krishtianu Ronalduning bahsli intervyusidan so‘ng bayonot berdi.

"Manchester Yunayted" Ronalduning intervyusi OAVda e’lon qilinganiga e’tibor qaratdi. Klub barcha faktlar o‘rganib chiqilgandan keyin bunga javob beradi. Bizning asosiy e’tiborimiz mavsumning ikkinchi yarmiga tayyorgarlik ko‘rish hamda futbolchilar, menejerlar, xodimlar va muxlislar o‘rtasida hukm surayotgan jadallik, ishonch va hamjihatlikni saqlashga qaratilgan”, — deyiladi klub bayonotida.

Avvalroq, 37 yoshli Ronaldu The Sun nashriga bergan intervyusida "Manchester Yunayted" bosh murabbiyi Erik ten Xagni hurmat qilmasligini, chunki buning evaziga hurmat ko‘rsatmasligini aytgandi.

Portugaliyalik futbolchi joriy mavsumda ingliz klubi safida 16 ta o‘yinda maydonga tushib, 3 ta gol urdi va 2 ta golli uzatmani amalga oshirdi.