"Manchester Yunayted" "Shaxtyor"ning ukrainalik yarim himoyachisi Mixaylo Mudrik transferi uchun "Arsenal" bilan raqobatlashadi, deb xabar bermoqda The Sun.

Manbaga ko‘ra, "qizil iblislar" bosh murabbiyi Erik ten Xag "Ayaks"dagi faoliyati davomida vingerning o‘yinini kuzatib borgan. Biroq, Manchester klubi yanvarda Mudrikni qo‘lga kiritish qiyin bo‘lishini tushunadi, chunki inglizlar yozgi transfer oynasida ko‘p pul sarflashgan, "Shaxtyor" esa faqat yirik taklifni ko‘rib chiqadi.

Oldinroq "Arsenal" "konchilar"ga 60 million yevro taklif qilgani va futbolchining London klubiga transferi qishki transfer oynasida amalga oshishi mumkinligi haqida xabar berilgandi.

Joriy mavsumda Mudrik “Shaxtyor” safida barcha turnirlar doirasida 16 ta o‘yinda maydonga tushib, 8 ta gol urdi va 6 bor sheriklariga assistentlik qildi.