"Манчестер Юнайтед" "Шахтёр"нинг украиналик ярим ҳимоячиси Михайло Мудрик трансфери учун "Арсенал" билан рақобатлашади, деб хабар бермоқда The Sun.

Манбага кўра, "қизил иблислар" бош мураббийи Эрик тен Хаг "Аякс"даги фаолияти давомида вингернинг ўйинини кузатиб борган. Бироқ, Манчестер клуби январда Мудрикни қўлга киритиш қийин бўлишини тушунади, чунки инглизлар ёзги трансфер ойнасида кўп пул сарфлашган, "Шахтёр" эса фақат йирик таклифни кўриб чиқади.

Олдинроқ "Арсенал" "кончилар"га 60 миллион евро таклиф қилгани ва футболчининг Лондон клубига трансфери қишки трансфер ойнасида амалга ошиши мумкинлиги ҳақида хабар берилганди.

Жорий мавсумда Мудрик “Шахтёр” сафида барча турнирлар доирасида 16 та ўйинда майдонга тушиб, 8 та гол урди ва 6 бор шерикларига ассистентлик қилди.