"Valensiya" va Urugvay terma jamoasi hujumchisi Edinson Kavani o‘z avlodi futbolchilari va zamonaviy futbolchilar ruhiyatini solishtirdi.
“Zamonaviy futbol o‘z mohiyatini yo‘qotmoqda. Ehtimol, men eski maktabdan kelgandirman. Balki zamonaviy futbolga munosabat, bu futbolchilar uchun nimani anglatishi borasida unchalik mos kelmasman.
Men eng chiroyli narsa bu jamoaviy g‘alaba bo‘lgan maktabdanman. Zamonaviy dunyoda futbolchilar xudbin, ular muhimroq narsalarni unutib, shaxsiy mukofotlar haqida o‘ylashadi", - deya Kavanining so‘zlaridan iqtibos keltirdi Guardian.
U, shuningdek, Urugvay terma jamoasida xudbin odamlarni qabul qilishmasligini aytdi. Uning so‘zlariga ko‘ra, ularning hech biri yolg‘iz o‘zi hech narsa yutmasligini terma jamoadagi barcha tushunadi.
