“Barselona” hujumchisi Memfis Depay tez orada Kataloniya klubini tark etishi mumkin, deb xabar beradi TMW.
Manbaga ko‘ra, futbolchiga asosiy da’vogar "Sevilya" bo‘lib, u qishda futbolchini sotib olishga harakat qiladi. Niderlandiyalik futbolchining o‘zi Premyer-ligada o‘ynashni xohlaydi. Uning "Manchester Yunayted"ga qaytishi mumkinligi xabar qilingandi.
Depayning "Barselona" bilan shartnomasi 2023 yilning yozida yakuniga yetadi. Joriy mavsumda 28 yoshli hujumchi kataloniyaliklar safida 3 ta o‘yin o‘tkazib, 1 ta gol urishga erishdi. Transfermarkt ma’lumotlariga ko‘ra, hujumchining narxi 20 million yevro.