Senegal terma jamoasi hujumchi Sadio Mane jarohati sabab JCH-2022da maydonga tushmasligini ma’lum qildi, deb xabar beradi L'Equipe.
30 yoshli futbolchi Germaniya chempionatining 14-turidan o‘rin olgan "Verder"ga (6:1) qarshi o‘yinda jarohat olgandi.
Biroq u terma jamoaning turnir uchun dastlabki ro‘yxatiga kiritildi. Terma jamoa hujumchi guruh bosqichi yakuniga qadar tuzalib ketishiga umid qilgandi.
Joriy mavsumda Mane “Bavariya” safida 23 ta o‘yinda maydonga tushib, 11 ta gol urdi va 4 ta golli uzatmani amalga oshirdi.
Senegal jahon chempionati guruh bosqichida “A” kvartetida o‘ynaydi. Afrikaliklar Niderlandiya, Qatar va Ekvador bilan bir guruhdan o‘rin olgan.
