Сенегал терма жамоаси ҳужумчи Садио Мане жароҳати сабаб ЖЧ-2022да майдонга тушмаслигини маълум қилди, деб хабар беради L'Equipe.
30 ёшли футболчи Германия чемпионатининг 14-туридан ўрин олган "Вердер"га (6:1) қарши ўйинда жароҳат олганди.
Бироқ у терма жамоанинг турнир учун дастлабки рўйхатига киритилди. Терма жамоа ҳужумчи гуруҳ босқичи якунига қадар тузалиб кетишига умид қилганди.
Жорий мавсумда Мане “Бавария” сафида 23 та ўйинда майдонга тушиб, 11 та гол урди ва 4 та голли узатмани амалга оширди.
Сенегал жаҳон чемпионати гуруҳ босқичида “А” квартетида ўйнайди. Африкаликлар Нидерландия, Қатар ва Эквадор билан бир гуруҳдан ўрин олган.
