Braziliyaning “Korintians” futbol klubi yangi bosh murabbiy izlashni boshladi. Goal.com portalining xabar berishicha, rahbariyat hozirda Braziliya terma jamoasi bosh murabbiyi lavozimini egallab turgan Tite bilan muzokaraga kirishgan.
Shu bilan birga, oktyabr oyida Angliyaning "Vulverxempton" klubini tark etgan Bruno Laje bu o‘rin uchun asosiy da’vogar sifatida ko‘rilmoqda.
O‘tgan mavsumda "Korintians" Braziliya chempionatida 65 ochko jamg‘argan va to‘rtinchi o‘rinni band etgandi. Oxirgi mavsumda jamoani Vitor Pereyra boshqargandi.