"Milan"ning texnik direktori Paolo Maldini klub portugaliyalik hujumchi Rafael Leau bilan shartnomani Qatardagi jahon chempionatigacha uzaytira olmaganidan afsusda ekanligini bildirdi.
“Biz jahon chempionati oldidan yangi shartnoma imzolashni rejalashtirgan edik. Lekin Leau bilan bu rejamiz ish bermadi. Bennaser bilan ish hali ham davom etmoqda, biz endi uning agentlari bilan uchrashishimiz kerak", - deya Maldinining so‘zlarini keltiradi pianetamilan.it.
23 yoshli futbolchi joriy mavsum A Seriyada 14 ta o‘yinda maydonga tushib, 6 ta gol urdi va 4 ta golli uzatmani amalga oshirdi. Uning "Milan" bilan shartnomasi 2024 yilning yozida yakuniga yetadi. Futbolchining transfer narxi 85 million yevroni tashkil qiladi.
