"Милан"нинг техник директори Паоло Мальдини клуб португалиялик ҳужумчи Рафаэль Леау билан шартномани Қатардаги жаҳон чемпионатигача узайтира олмаганидан афсусда эканлигини билдирди.
“Биз жаҳон чемпионати олдидан янги шартнома имзолашни режалаштирган эдик. Лекин Леау билан бу режамиз иш бермади. Беннасер билан иш ҳали ҳам давом этмоқда, биз энди унинг агентлари билан учрашишимиз керак", - дея Мальдинининг сўзларини келтиради pianetamilan.it.
23 ёшли футболчи жорий мавсум А Серияда 14 та ўйинда майдонга тушиб, 6 та гол урди ва 4 та голли узатмани амалга оширди. Унинг "Милан" билан шартномаси 2024 йилнинг ёзида якунига етади. Футболчининг трансфер нархи 85 миллион еврони ташкил қилади.
