Braziliyalik yarim himoyachi Fabinyo himoyadagi zaif o‘yin uchun tanqid qilingan "Liverpul" himoyachisi Trent Aleksander-Arnoldni qo‘llab-quvvatladi.
"Agar kimdir Trentni himoyalanishni bilmaydi deb hisoblasa, men bilan buni muhokama qilishlari mumkin. Men ularni nokdaunga yuboraman, chunki bu bema’ni gaplarni tinglashdan charchadim. Hammani xursand qilish uchun u yana nima qilishi kerakligini bilmayman", - deydi braziliyalik futbolchi.
24 yoshli himoyachi joriy mavsum Angliya Premyer-ligasida 14 ta o‘yinda maydonga tushib, bitta gol urdi va ikkita sariq kartochka oldi.
