"PSJ" va Argentina terma jamoasi hujumchisi Lionel Messida faoliyatini davom ettirish uchun uchta variant bor, deb xabar beradi El Nacional.
Manbaga ko‘ra, futbolchiga "Barselona" va "Manchester Siti" klublari qiziqish bildirmoqda, "PSJ" ham uni o‘zida saqlab qolmoqchi. Argentinalik futbolchining parijliklar bilan shartnomasi kelasi yozda tugaydi va u tekinga boshqa klubga o‘tishi mumkin.
35 yoshli Messi joriy mavsumda "PSJ" safida barcha turnirlarda 19 ta o‘yinda maydonga tushib, 12 ta gol urdi va 14 ta golli uzatmani amalga oshirdi.