Fransiyalik sobiq futbolchi va jahon chempioni David Trezege bo‘lajak jahon chempionati haqidagi fikrlari bilan o‘rtoqlashdi.
Taniqli sobiq hujumchining fikricha, fransuzlarda ketma-ket ikkinchi marta g‘alaba qozonish uchun ajoyib imkoniyatlar mavjud.
Trezege Sportweek nashriga bergan intervyusida: "Fransiya - eng ta’sirchan hujumkor o‘yinchilarga ega jamoa. Hammasining orasida Mbappe alohida ajralib turadi, uning hali o‘sishi uchun vaqt bor, lekin u raqib jarima maydonchasida o‘ynashda ancha ishonchli ko‘rinmoqda”, - dedi fransiyalik futbolchi.
Eslatib o‘tamiz, jahon chempionati guruh bosqichida Dide Desham shogirdlari Avstraliya, Daniya va Tunis terma jamoalari bilan o‘ynaydi.
