Argentinaning mag‘lubiyatsiz seriyasi o‘z nihoyasiga yetdi.
Lionel Skaloni shogirdlari JCH-2022 guruh bosqichining 1-turida Saudiya Arabistoniga mag‘lub bo‘ldi (1:2).
Shu tariqa, Janubiy Amerika termasining mag‘lubiyatsiz seriyasi 36 uchrashuvni tashkil etdi. Argentina 2018 yilning sentyabridan 2021 yilning oktyabrigacha bo‘lgan davrda mag‘lub bo‘lmagan 37 o‘yindan iborat Italiya rekordini takrorlay olmadi.
Argentinaliklar navbatdagi o‘yinni 26 noyabr kuni Meksikaga qarshi o‘tkazadi.