"Yuventus" yarim himoyachisi Manuel Lokatelli o‘tgan yozda Angliya Premyer-ligasidan tushgan takliflarni rad etdi. Bu haqda futbolchining agenti Stefano Kastelnuovo ma’lum qildi.
"To‘g‘ri, Lokatelli yozda Premyer-ligada yaxshi variantlarga ega edi. Ammo u «Yuventus» bilan mustahkam aloqaga ega va u hech qachon ketish haqida o‘ylamagan", - deya agentning so‘zlarini keltiradi Tuttosport.
Oldinroq "Arsenal" Lokatellini o‘z safiga qo‘shib olmoqchi ekanligi haqida xabarlar tarqalgan edi.
Lokatelli "Yuve"da ijara asosida o‘ynaydi. Yozda Turin klubi 24 yoshli futbolchining huquqlarini sotib olishi mumkin.
Lokatelli joriy mavsumda “Yuventus” safida barcha turnirlarda 20 ta o‘yinda maydonga tushdi.