"Ювентус" ярим ҳимоячиси Мануэль Локателли ўтган ёзда Англия Премьер-лигасидан тушган таклифларни рад этди. Бу ҳақда футболчининг агенти Стефано Кастелнуово маълум қилди.
"Тўғри, Локателли ёзда Премьер-лигада яхши вариантларга эга эди. Аммо у «Ювентус» билан мустаҳкам алоқага эга ва у ҳеч қачон кетиш ҳақида ўйламаган", - дея агентнинг сўзларини келтиради Tuttosport.
Олдинроқ "Арсенал" Локателлини ўз сафига қўшиб олмоқчи эканлиги ҳақида хабарлар тарқалган эди.
Локателли "Юве"да ижара асосида ўйнайди. Ёзда Турин клуби 24 ёшли футболчининг ҳуқуқларини сотиб олиши мумкин.
Локателли жорий мавсумда “Ювентус” сафида барча турнирларда 20 та ўйинда майдонга тушди.