"Manchester Yunayted"ning sobiq himoyachisi Rio Ferdinand hujumchi Krishtianu Ronalduning "qizil iblislar"ni tark etishi haqida gapirdi.

“Menimcha, hozir ikkala tomon ham xursand bo‘lishi kerak. Ochig‘i, u bu intervyuni klubdan ketmoqchi ekanligi haqidagi fikr bilan bergan.

U baxtsiz edi va buni hammaga tushuntirdi. Endi hamma xursand.

U qayerga boradi? Bilmayman. Menimcha, bu motivasiyaga bog‘liq. Tanlov jarayoni parda ortida bo‘lib o‘tadi, lekin biz hammamiz tez orada bilib olamiz", - deya Ferdinandning so‘zlarini keltiradi Daily Express.

Oldinroq Ronaldu britaniyalik jurnalist Pirs Morganga intervyu berib, unda “Manchester Yunayted”ni xiyonatda ayblagan edi. Hujumchi klub rahbariyati va murabbiylar shtabini tanqid qilib, jamoa bosh murabbiyi Erik ten Xagni hurmat qilmasligini ta’kidladi.