Fransiya terma jamoasi Qatarning “Al-Garafa” jamoasi bilan o‘rtoqlik o‘yini belgiladi. O‘yinda Avstraliyaga qarshi jahon chempionatining 1-tur uchrashuvida maydonga tushmagan futbolchilar ishtirok etadi, deb xabar beradi RMC Sport.
Seshanba kuni Fransiya va Avstraliya terma jamoalari o‘rtasida bo‘lib o‘tgan uchrashuv Didye Desham jamoasining 4:1 hisobidagi g‘alabasi bilan yakunlandi.
Bu o‘yinda Fransiya terma jamoasi zaxirasida Alfons Areola, Stiv Mandanda, Rafael Varan, Aksel Disasi, Vilyam Saliba, Jordan Veretu, Eduardo Kamavinga, Matteo Genduzi va Randal Kolo Muani qoldi.