Франция терма жамоаси Қатарнинг “Ал-Гарафа” жамоаси билан ўртоқлик ўйини белгилади. Ўйинда Австралияга қарши жаҳон чемпионатининг 1-тур учрашувида майдонга тушмаган футболчилар иштирок этади, деб хабар беради RMC Sport.
Сешанба куни Франция ва Австралия терма жамоалари ўртасида бўлиб ўтган учрашув Дидье Дешам жамоасининг 4:1 ҳисобидаги ғалабаси билан якунланди.
Бу ўйинда Франция терма жамоаси захирасида Альфонс Ареола, Стив Манданда, Рафаэль Варан, Аксел Дисаси, Вильям Салиба, Жордан Верету, Эдуардо Камавинга, Маттео Гендузи ва Рандал Коло Муани қолди.