Germaniya terma jamoasi darvozaboni va sardori Manuel Noyer 2022 yilgi jahon chempionatining 1-turida Yaponiyadan uchralgan mag‘lubiyat haqida gapirdi.
"Biz ko‘plab golli vaziyatlarni qo‘ldan boy berdik. So‘nggi daqiqalarda himoyada unchalik yaxshi o‘ynamadik. Yaponiya yakkama-yakka kurashda bizga bosim o‘tkazdi va bu tashvishli edi. Biz maydonda yaxshiroq pozisiyalarni egallashimiz kerak edi, buni birinchi bo‘limda bajardik", - dedi Noyer Bayern & Germany bilan suhbatda.
Uning fikricha, Germaniya terma jamoasi o‘yinning borishini nazorat qilgan, ammo xotirjamlikka berilgani uchun tovon to‘lagan. Manuel jamoa hozir juda katta bosim ostida ekanligini, Ispaniyaga qarshi o‘yinni esa butunlay boshqacha o‘tkazish kerakligini ta’kidladi.
