Германия терма жамоаси дарвозабони ва сардори Мануэль Нойер 2022 йилги жаҳон чемпионатининг 1-турида Япониядан учралган мағлубият ҳақида гапирди.
"Биз кўплаб голли вазиятларни қўлдан бой бердик. Сўнгги дақиқаларда ҳимояда унчалик яхши ўйнамадик. Япония яккама-якка курашда бизга босим ўтказди ва бу ташвишли эди. Биз майдонда яхшироқ позицияларни эгаллашимиз керак эди, буни биринчи бўлимда бажардик", - деди Нойер Bayern & Germany билан суҳбатда.
Унинг фикрича, Германия терма жамоаси ўйиннинг боришини назорат қилган, аммо хотиржамликка берилгани учун товон тўлаган. Мануэль жамоа ҳозир жуда катта босим остида эканлигини, Испанияга қарши ўйинни эса бутунлай бошқача ўтказиш кераклигини таъкидлади.
