Ispaniya terma jamoasi Qatarda bo‘lib o‘tayotgan jahon chempionati guruh bosqichining 1-tur uchrashuvida Kosta-Rika terma jamoasini 7:0 hisobida mag‘lub etdi.
Ispaniya jahon chempionatlaridagi eng yirik g‘alabasini qo‘lga kiritdi.
Oxirgi marta bunday yirik hisobdagi g‘alaba 2010 yilgi jahon chempionatida qayd etilgan, o‘shanda Portugaliya Shimoliy Koreyani 7:0 hisobida mag‘lub etgandi.
Ispaniya va Kosta-Rika Germaniya va Yaponiya bilan birga E guruhidan joy olgan. Bu jamoalar o‘rtasidagi o‘yin chorshanba kuni ertaroq bo‘lib o‘tdi va yaponiyaliklarning 2:1 hisobidagi g‘alabasi bilan yakunlandi.
Keyingi turda ispanlar Germaniya terma jamoasi bilan, kosta-rikaliklar yaponiyaliklar bilan to‘qnash kelishadi, uchrashuvlar 27 noyabr kuni bo‘lib o‘tadi.
