So‘nggi kunlarda futbol olamida bo‘layotgan ishlardan xabaringiz bor. Jahon chempionati boshlangan bir paytda, super yulduz, Ronaldu "MYU"dan ketdi. Aniqrog‘i, uni shunga majbur qilishdi. Endilikda, mankunianliklarning hujum chizig‘i uchun yana bir futbolchi zarur bo‘ladi. Ushbu boshliq esa kelayotgan yanvar oyidagi transferlar oynasida to‘ldirilishi kerak. Quyida "Manchester Yunayted"ning jiddiy nishoni haqida so‘z boradi.

So‘nggi xabarlarga ko‘ra, Ronalduning ketishi, "MYU"ni "PSV" futbolchisini ta’qib etishga chorlagan. Niderlandiya terma jamoasi a’zosi Kodi Gakpo "qizil iblislar" radarida turibdi. 23 yoshli futbolchi Jahon chempionatida o‘z jamoasining ilk goliga mualliflik qilgan edi. Vinger o‘z harakatlari bilan nafaqat "MYU"ni, balki "Arsenal", "Liverpul", "Lids" va boshqa APL klublarini ham qiziqishlariga sabab bo‘ldi. Ammo bu da’vogarlar ichida "MYU" alohida ta’kidlangan. Chunki Erik ten Xag o‘z hamyurtini jamoaga jalb etishga urinadi.

Ayni damda "MYU" allaqachon bu yo‘lda harakatni boshlab yuborgan. Bu shuni anglatadiki, Gakpo yanvarning boshidayoq APL klubiga o‘tadi. Hujumchi mundialdan keyin yana Niderlandiyaga qaytadi. Uning narxi kamida 43 million funt bo‘lishi aytilgan. Bu ancha katta mablag‘, albatta. Rahbariyat Gakponi olishga urinishi esa so‘roq ostida turibdi.

"Qizil iblislar" o‘z afsonasi bo‘lgan Ronaldu bilan bitimni tugatgach, tizimli islohotlar qilish yo‘liga o‘tishi kutilmoqda. Kodi Gakpo esa mana shu islohotlarning ilk mevasiga aylanishi mumkin. U hozirda Erdiviziya hamda YELda ajoyib natijalarga ega. Niderlandning bu mavsumdagi natijasi quyidagicha: 24 ta o‘yin, 13 ta gol va 17 ta assist.
Eslatib o‘tamiz, Gakpoga Ispaniyadan "Real" ham da’vogarlik qiladi.

ISMATOV J.