Krishtianu Ronaldu bir necha kun avval «Manchester Yunayted» bilan shartnomasini bekor qilib, erkin agentga aylangandi.
OAV yana portugaliyalik yulduzni Saudiya Arabistonining badavlat klublari bilan bog‘lay boshladi. Bu haqda ushbu mamlakat sport vaziri Abdulaziz bin Turki Al-Faysal izoh berdi.
«Hamma narsaning bo‘lishi mumkin. Ronaldu Saudiya chempionatida o‘ynashini istardim. Bu bizning ligamizga, sport ekotizimimizga foyda keltiradi va yoshlarni ilhomlantiradi. Ronaldu ko‘plab bolalar uchun o‘rnak, uning muxlislari juda ko‘p», deydi Al-Faysal BBC Sportga.
