Yangi mavsumga tayyogarlik ko‘rishdan avval “Qo‘qon-1912” jamoasi o‘tgan mavsumdagi qarzdorliklarni bartaraf qildi.
O‘tgan mavsumdagi moliyaviy muammolar sababli jamoaning qarzlari ancha ko‘payib va to‘planib qolgan edi. Bugungi kunga kelib jamoa barcha hamkorlari, sport kiyimlari yetkazib beruvchi kompaniya, mehmonxonalar, transport xizmati ko‘rsatuvchi tashkilotlar, xullas, barcha xizmat ko‘rsatuvchi hamkorlar bilan to‘liq hisob-kitob qildi.
Shuningdek, jamoada faoliyat olib borayotgan ishchi xodimlar, murabbiy va futbolchilar oldidagi bu yilgi qarzdorliklar bartaraf qilindi. Faqat ayrim futbolchilarning hisob-kitoblariga biroz aniqlik kiritilmaganligi sababli qarzdorlik mavjud bo‘lib turibdi. Shu kunlarda jamoa rahbariyati jamoadan haqdor bo‘lgan futbolchilar bilan ham o‘zaro hisob-kitoblarini yakunlaydi. “Shunqorlar” rahbariyati yangi mavsumga tayyorgarlikni hech qanday qarzdorliksiz boshlashni maqsad qilishgan.
