"Barselona" skautlari Niderlandiya va PSV terma jamoasi hujumchisi Kodi Gakponi kuzatishmoqda, deb xabar beradi El Nacional. Agar futbolchi JCH-2022da yaxshi o‘yin ko‘rsatsa, kataloniyaliklar rahbariyati uni qishki transfer oynasidayoq sotib olish taklifini berishga tayyor. Qatarda bo‘lib o‘tadigan JCH-2022 guruh bosqichida Gakpo ikkita uchrashuvda ikkita gol urdi.
Manbaga ko‘ra, 23 yoshli hujumchiga "Manchester Yunayted" ham da’vogarlik qilmoqda. Eydenxoven klubi futbolchi uchun kamida 50 million yevro so‘ramoqda.
Hujumchining klub bilan amaldagi shartnomasi 2026 yilgacha mo‘ljallangan. Joriy mavsumda Gakpo PSV safida barcha turnirlar doirasida 29 ta o‘yinda maydonga tushib, 15 ta gol urdi va 18 ta golli uzatmani amalga oshirdi. Transfermarkt portaliga ko‘ra, futbolchining transfer qiymati 45 million yevroga baholanmoqda.
