"Барселона" скаутлари Нидерландия ва ПСВ терма жамоаси ҳужумчиси Коди Гакпони кузатишмоқда, деб хабар беради El Nacional. Агар футболчи ЖЧ-2022да яхши ўйин кўрсатса, каталонияликлар раҳбарияти уни қишки трансфер ойнасидаёқ сотиб олиш таклифини беришга тайёр. Қатарда бўлиб ўтадиган ЖЧ-2022 гуруҳ босқичида Гакпо иккита учрашувда иккита гол урди.
Манбага кўра, 23 ёшли ҳужумчига "Манчестер Юнайтед" ҳам даъвогарлик қилмоқда. Эйденховен клуби футболчи учун камида 50 миллион евро сўрамоқда.
Ҳужумчининг клуб билан амалдаги шартномаси 2026 йилгача мўлжалланган. Жорий мавсумда Гакпо ПСВ сафида барча турнирлар доирасида 29 та ўйинда майдонга тушиб, 15 та гол урди ва 18 та голли узатмани амалга оширди. Transfermarkt порталига кўра, футболчининг трансфер қиймати 45 миллион еврога баҳоланмоқда.