Fransiya terma jamoasi hujumchisi Olivye Jiru jahon chempionatining pley-off bosqichidagi fikrlari bilan o‘rtoqlashdi.
Fransuzlar Daniyani mag‘lub etib (2:0), muddatidan avval 1/8 finalga yo‘l olishlarini kafolatlashdi, biroq ularning pley-off bosqichidagi raqibi kubok uchun yana bir da’vogar - Argentina terma jamoasi bo‘lishi mumkin.
"Agar biz jahon chempionatida g‘alaba qozonishni istasak, har kim bilan to‘qnash kelishga tayyor bo‘lishimiz kerak, ammo 1/8 finalda Argentina bilan to‘qnash kelishdan qochganimiz ma’qul", - dedi Olivye Jiru Telefoot bilan suhbatda.
Argentina va Fransiya 2018 yilgi Jahon chempionatining 1/8 final bosqichida to‘qnash kelishgan – o‘shanda "uch ranglilar" 4:3 hisobida g‘alaba qozongan va yakunda kubok sohibiga aylanishgan.
