Jurnalist Mett Louning so‘zlariga ko‘ra, "Chelsi" kelasi yozda Dortmundning "Borussiya" klubi yarim himoyachisi Jud Bellingem uchun kurashishga tayyor.

London klubi rahbariyati 19 yoshli angliyalik futbolchining transferi uchun “boshqa top klublar” futbolchiga da’vogarlik qilayotgandek pul berishga tayyor. Biroq, "Chelsi" Angliya terma jamoasi futbolchisini qo‘lga kiritish uchun favorit emas.

Oldinroq, Bellingemga "Real", "Liverpul" va "Manchester Siti" klublari ham qiziqish bildirayotgani xabar qilingandi.

Bellingem joriy mavsumda “asalarilar” safida 20 ta o‘yinda maydonga tushib, 9 ta gol urdi va 2 ta golli uzatmani amalga oshirdi.

19 yoshli futbolchining “Borussiya” bilan shartnomasi 2025 yilning yozida yakuniga yetadi. Nemis nashrlari xabariga ko‘ra, dortmundliklar futbolchi uchun 150 million yevro talab qilmoqda.