Журналист Метт Лоунинг сўзларига кўра, "Челси" келаси ёзда Дортмунднинг "Боруссия" клуби ярим ҳимоячиси Жуд Беллингем учун курашишга тайёр.
Лондон клуби раҳбарияти 19 ёшли англиялик футболчининг трансфери учун “бошқа топ клублар” футболчига даъвогарлик қилаётгандек пул беришга тайёр. Бироқ, "Челси" Англия терма жамоаси футболчисини қўлга киритиш учун фаворит эмас.
Олдинроқ, Беллингемга "Реал", "Ливерпуль" ва "Манчестер Сити" клублари ҳам қизиқиш билдираётгани хабар қилинганди.
Беллингем жорий мавсумда “асаларилар” сафида 20 та ўйинда майдонга тушиб, 9 та гол урди ва 2 та голли узатмани амалга оширди.
19 ёшли футболчининг “Боруссия” билан шартномаси 2025 йилнинг ёзида якунига етади. Немис нашрлари хабарига кўра, дортмундликлар футболчи учун 150 миллион евро талаб қилмоқда.