Meksika terma jamoasi bosh murabbiyi Xerardo Martino ayni damda Qatarda bo‘lib o‘tayotgan jahon chempionatida qaysi jamoani favorit deb bilishini aytdi.
“Menimcha g‘alaba qozonishga eng yaxshi imkoniyat Ispaniyada. Ular jahon chempionatining boshqa ishtirokchilari o‘yinidan farq qiladigan futbol saviyasini ko‘rsatishdi. Shaxsan men ispanlarni g‘alabaga ajoyib nomzod sifatida ko‘raman", - deb yozadi Marca gazetasi murabbiyning so‘zlarini.
Ispaniya hali jahon chempionatining pley-off bosqichiga chiqishni kafolatlagani yo‘q. Guruh bosqichining so‘nggi turida Luis Enrike shogirdlari Yaponiya termasi bilan to‘qnash kelishadi. Uchrashuv 1 dekabr, payshanba kuni bo‘lib o‘tadi.
