Мексика терма жамоаси бош мураббийи Херардо Мартино айни дамда Қатарда бўлиб ўтаётган жаҳон чемпионатида қайси жамоани фаворит деб билишини айтди.
“Менимча ғалаба қозонишга энг яхши имконият Испанияда. Улар жаҳон чемпионатининг бошқа иштирокчилари ўйинидан фарқ қиладиган футбол савиясини кўрсатишди. Шахсан мен испанларни ғалабага ажойиб номзод сифатида кўраман", - деб ёзади Маrcа газетаси мураббийнинг сўзларини.
Испания ҳали жаҳон чемпионатининг плей-офф босқичига чиқишни кафолатлагани йўқ. Гуруҳ босқичининг сўнгги турида Луис Энрике шогирдлари Япония термаси билан тўқнаш келишади. Учрашув 1 декабрь, пайшанба куни бўлиб ўтади.
