"Ayaks" va Gana terma jamoasi yarim himoyachisi Muhammad Kudus faoliyatini Angliya Premyer-ligasida davom ettirishi mumkin, deb xabar beradi De Telegraaf.
Manbaga ko‘ra, 22 yoshli ganalik futbolchining xizmatlariga "Liverpul" va "Everton" klublari qiziqish bildirmoqda. Ingliz klublari Kudusning Qatarda bo‘lib o‘tgan jahon chempionatidagi o‘yinlarini kuzatib borishmoqda va turnir yakunlanganidan keyin ehtimoliy transfer bo‘yicha muzokaralarni boshlashni kutishmoqda.
Eslatib o‘tamiz, Kudus Qatarda bo‘lib o‘tadigan JCH-2022 guruh bosqichining ikkita o‘yinida ishtirok etgandi. Portugaliya bilan birinchi o‘yinda yarim himoyachi golli uzatma bergan bo‘lsa, Janubiy Koreya termasi bilan ikkinchi o‘yinda dubl qayd etdi. 2 dekabr kuni Gana milliy terma jamoasi Urugvay bilan JCH-2022 guruh bosqichining so‘nggi o‘yinini o‘tkazadi.