"Аякс" ва Гана терма жамоаси ярим ҳимоячиси Муҳаммад Кудус фаолиятини Англия Премьер-лигасида давом эттириши мумкин, деб хабар беради De Telegraaf.
Манбага кўра, 22 ёшли ганалик футболчининг хизматларига "Ливерпуль" ва "Эвертон" клублари қизиқиш билдирмоқда. Инглиз клублари Кудуснинг Қатарда бўлиб ўтган жаҳон чемпионатидаги ўйинларини кузатиб боришмоқда ва турнир якунланганидан кейин эҳтимолий трансфер бўйича музокараларни бошлашни кутишмоқда.
Эслатиб ўтамиз, Кудус Қатарда бўлиб ўтадиган ЖЧ-2022 гуруҳ босқичининг иккита ўйинида иштирок этганди. Португалия билан биринчи ўйинда ярим ҳимоячи голли узатма берган бўлса, Жанубий Корея термаси билан иккинчи ўйинда дубль қайд этди. 2 декабрь куни Гана миллий терма жамоаси Уругвай билан ЖЧ-2022 гуруҳ босқичининг сўнгги ўйинини ўтказади.