Futbolda rekordlar ko‘p qayd etiladi. Ayrim ko‘rsatkichlarni yangilasa yoki buzsa bo‘ladi. Ammo shunday statistikalar ham borki, uni takrorlash tugul, yangilash ham imkonsizdek tuyuladi. Quyida mundiallar tarixidagi bir nechta rekordlar haqida so‘z boradi.
Bir o‘yinda eng ko‘p gol urgan – Oleg Salenko (5 ta)
Butun faoliyati va mashhurligi faqat bitta o‘yinga bog‘liq bo‘lgan futbolchilardan biri Oleg Salenko edi. U dastlab, Sovet Ittifoqi sharafini himoya qiladi. Davlat parchalangach esaya bir muddat Ukraina termasida o‘ynaydi. Salenko 1994 yilgi AQSHdagi mundialga yana ruslar bayrog‘ini taqib boradi. U Kamerunga qarshi bahsda 5 ta gol urib, yangi rekordga mualliflik qilgan. Salenko jamoasi guruhda qolib ketib, lekin Jahon chempionati to‘purari bo‘lgan tarixdagi ilk va so‘nggi futbolchi edi.
Eng qariya gol muallifi – Roje Milla (42 yosh, 39 kun)
Milla ham Rossiya va Kamerun o‘yinida maydonga tushirilgan edi. Ammo uning goli 4 yil oldin urilgan. U 1990 yilda, 38 yosh-u, 34 kunligida Kolumbiya bilan bahsda gol kiritgan. Hozirgacha, hech kim, hattoki, Krishtianu Ronaldu ham bu rekordni yangilay olgani yo‘q.
Eng qariya o‘yinchi – Essam Al-Xadori (45 yosh, 161 kun)
Millani eng qariya futbolchi ekan deb o‘ylasangiz, adashasiz. Undan ham qariya futbolchi mavjud. U Misr terma jamoasi darvozaboni Al-Xadoridir. Darvozabon o‘zining professional faoliyatini, Milla 1994 yilda rekord o‘rnatganda boshlagan. U 2018 yilda terma jamoa safida o‘zining 159 o‘yinini o‘tkazish bilan rekord o‘rnatgandi.
Eng ko‘p vaqt davomida maydonda bo‘lgan – Paolo Maldini (2216 daqiqa)
Garchand tarixda ko‘plab futbolchilar Jahon chempionatiga Maldinidan ko‘ra ko‘proq chiqqan bo‘lsada, ularning hech biri italiyalik yarim himoyachi kabi maydonda ko‘p harakat qila olmagan. Paolo Maldining bu boradagi eng yaqin ta’qibchisi bo‘lgan Lotar Matteusdan 171 daqiqaga ko‘proq ko‘rsatkichga ega. Kuchli beshlikda Ronaldu (1644) va Messi (1625) ham bor. Maldini esa 1990, 1994, 1998 va 2002 yilgi mundiallarda qatnashgan edi.
Turnir finalining eng yosh gol muallifi – Pele (17 yosh, 249 kun)
Pelening Jahon chempionatlari bilan bo‘lgan munosabatlari juda ham yaxshi. U bu turnirda eng yosh to‘purar, eng yosh xet-trik muallifi va eng yosh assistent futbolchiga aylangan. Shuningdek, braziliyalik afsona uchta Jahon chempionatida g‘alabaga erishgan yolg‘iz futbolchidir. Bu rekordni buzish esa imkonsiz ishdir.
ISMATOV J.
