Germaniya terma jamoasi himoyachisi Lukas Klostermann jahon chempionati guruh bosqichining hal qiluvchi turida Kosta-Rikaga qarshi o‘yindagi umidlari bilan o‘rtoqlashdi.
Agar nemislar g‘alaba qozona olmasalar, ular albatta pley-off bosqichiga chiqa olmaydi.
“O‘zimni ajoyib his qilaman va umid qilamanki, Kosta-Rikaga qarshi o‘yinda jamoaga yordam bera olaman.
Men o‘yin daqiqalarini oshirishni xohlayman, lekin birinchi navbatda g‘alaba qozonish asosiy maqsadim bo‘lib qoladi", - dedi Klostermann matbuot anjumanida.
Eslatib o‘tamiz, Ispaniya bilan o‘yinda Klostermann maydonga tushib, jamoasining bir ochko olishiga yordam bergandi.
Bosh murabbiy Xans-Diter Flik 26 yoshli himoyachi Kosta-Rika bilan o‘yinda asosiy tarkibda maydonga tushishini istisno etmadi.
