Германия терма жамоаси ҳимоячиси Лукас Клостерманн жаҳон чемпионати гуруҳ босқичининг ҳал қилувчи турида Коста-Рикага қарши ўйиндаги умидлари билан ўртоқлашди.
Агар немислар ғалаба қозона олмасалар, улар албатта плей-офф босқичига чиқа олмайди.
“Ўзимни ажойиб ҳис қиламан ва умид қиламанки, Коста-Рикага қарши ўйинда жамоага ёрдам бера оламан.
Мен ўйин дақиқаларини оширишни хоҳлайман, лекин биринчи навбатда ғалаба қозониш асосий мақсадим бўлиб қолади", - деди Клостерманн матбуот анжуманида.
Эслатиб ўтамиз, Испания билан ўйинда Клостерманн майдонга тушиб, жамоасининг бир очко олишига ёрдам берганди.
Бош мураббий Ханс-Дитер Флик 26 ёшли ҳимоячи Коста-Рика билан ўйинда асосий таркибда майдонга тушишини истисно этмади.
